CD or DVD copy maw Moto ih hla phuan ding CD ih vun tuah duh tik canah a thiam lo kan um pang asi le a thuai ih ta vek hin awlsam ten tuah theih asi. (nero nei lo/leitheilo hrangah a tha zet)
1. Download FreeBurneware
2. Install ding
3. Na install theh tikah vun awng aw. (Desktop ih Burnware Free ti na hmu ding
)
4. Audio CD ti ngan aw mi ah hmet aw (a zuk ta vek)
5. Cule Add files… ti zawnah hmet aw la…Cun na computer sung ih MP3 hla pawl kha na duh duh na hril thei. Na hla hril theh tikah OPEN hmet ding.
6. CD thar (Blank CD) computer ah thun aw (thildang ra suak a um pang le phit aw X hmet mei)
7. BURN ti kha hmet leh aw la aw la Cuvial…
Hminsin: Hla hi fung 16-18 hrawng lawng CD 1 ah a tlem tlang pi. Hla atamtuk ih a tlem lo asi le CD lem te a SEN na hmu ding, hla hrekkhat kha hlawnsal atul tinak asi. CD lem te kha a hring lawng a copy atheih ding.
Kan Nauhak/Fale pawl Internet hman ter kan duh cio nan SEX thil an zauh thei lo kan duh asi le a hnuai ih ta vek hin tuah theih asi.
FireFox browser hmang ih Computer internet ih SEX thil pawl lang thei lo ih tuah dan:
1. Firefox Thun ding (Na neih lo asilen ti thu)
2. FireFox ah Add ons thun ding. Ctrl+Shift+A kha a rual in hmet aw la a rak suak mai ding
3. Add on Search nak ah Content Filter ngan aw
Procon Latte Content Filter kha a rak suak ding ih Install na ti ding
4. Firefox restart / Exit ih Awng sal ding
5. Password ret teng teng ding. A ret dan cu
6. Ctrl+Shift+A kha hun hmet sal aw la. Kehlei (Left) ah khan Extension ti a um ding, kha mi kha
hmet aw.
7. Procon Latte Content Filter zawn ah Options ti kha hmet aw
8. Set Password (Na duh mi password ngan ding)
7. Voi 1 password ngannak (confirm) a lang sal ding
8. OK
9. Kha vial si mai. Ziangkim na zauh thei SEX lawng a zauh a ngah lo ding. Na zauh duh asi le OPTION ti a rak lang zawnah ALLOW ti mi hmet mai ding
**Hminsin: Internet browser ah FireFox lawng hmang ding. Browser dang pawl IE le Chrome tivek kha hlawn theh a tul. Thusut duh hrangah Comment ih sin sut vivo theih asi.
Nikum 2012 ih Smartphone zuartam bik cu Samsung Galaxy S3 arak si. Cuvek tho tho ih zuar thei beisei in Samsung cun Mobile ropi zet Samsung S4 mipi hmai ih run theh suak a tum sal. Samsung hin S3 hmang in Apple Iphone, Leitlun ih phone zuartam bik rak si theu cu a hleih thlang.
Samsung S4 awngnak puai hi March ni 14 ah New York ah tuah asi ding. Ni kum ah London ah rak tuah asi. Mipi lam ih sin S4 hi beisei nak sang zet an nei. CNet in a rel dan in hi Samsung S4 hin Processor 8 anei ding ih, Camera 13 Megapixel, Fornt Camera 2 Megapixel, RAM ah 2 GB cule a hmai 4.99 inches asi ding. Baterry khal 2600mAh (S3 cu 2100 lawng) asi ih a daih rei deuh ding ti nak asi.
Processor (a hnatuan bik) hi S3 (4 Processor) ai in a let in a cak sawn ding tinak asi. Processor cak le caklo hi Game, Video, MAP, PDF casiar tivek le a hman hrim hrim ah a dang thei zet.
Kanmah Chin mi pawl hrangah Website duhthusam ih mawi a FREE in kan tuah ding. Hi Website kan tuahsak ding mi pawl cu a hleice in Kohran (Church), Tlawng (School), Pawlkom le a phun phun Website tuahnak ding Paisa neilo pawl hrangah a manhla hlei ce ding asi. Family le Personal hrang khal ih ngah ding in ruahmannak neih rero asi. Zuk tivek le ca poimoh phun phun, eg. nan pawlkom thuhla tivek na ret thei ding.
Domain (Domain ti cu Website address hmin tinak asi. eg. www.salaimai.net) khal a lei theilo hrangah www.**.rihli.com (**=na duh mi hmin na hril thei) ti in a FREE in kan lo tuahsak thei tho tho ding. Domain a dang te ih lei thei hrangah kum 1 hrang $12-$20 tiang hrawng an si threu.
Kan tuahzo mi hrekkhat pawl hinah zauh theih asi.
Thuhla theibet duh kan um cun in rak simthei vivo uh law.. Fala lo biak tu ding cu kan nei hrihlo nan lol 
Biak kan nuam zet tho tho so khaw… 
Hminsin: Kan thil tuah mi hi tlawmngai ih tuah mi asi. Hmaileiah ziang kan bang vivo ding kan rel thei lo nan, thazang in rak pek tu nan rak um asi le, phur zetin kan tlawmngai tren tro thei dingah kan ruat Tu ih kan tuah mi pawl hi Zauhthrim ding ih kan tuah men mi an si hrih lai . Cafang leh thu ngan mi a diklo, tam pi a um thei.